தேவதை நீ எனக்கு

தேர்ந்தெடுத்த காய் கறி கொண்டு 

ஒரு சிட்டிகை அன்பு கலந்து

நீ படைக்கும் உணவுகள் 

அமிர்தத்தின் அடுத்த கட்டம்.

ஆனால்,

அந்த உப்புமா மற்றும் சில 

பெயர் வைக்க முடியாத 

பதார்த்தங்களில் கூட 

அறுசுவை அரசியடி நீ எனக்கு !!!

பிறர் துன்பம் காண கலங்குவதிலும்,

பச்சாதாப நுண்ணறிவிலும்,

பாரபட்சமில்லா பரிவிலும்,

அன்பிற்கினியாள் நீ.

ஆனால்,

குறை சொல்லா புறணிகளிலும்,

மடை இல்லா முன் கோபத்திலும்,

இடை நில்லா வசவுகளிலும் கூட 

செல்லமடி நீ எனக்கு !!!

அரக்கு பட்டு புடவையில்

நெற்றிச்சுட்டி பொலிவில்

ஜிமிக்கி ஜொலி ஜொலிப்பில்

மைவிழியாள் உன் சிரிப்பு   

instagram-ல் இதயங்களை அள்ளும்.

ஆனால்,

புகை படர்ந்த nighty-யிலும், 

துயில் கலைத்த சிகையிலும்,

சோர்வு களைத்த நகைப்பிலும் கூட 

தேவதை நீ எனக்கு !!!